عمرو وهبة يعلق على إيذاءالحيوانات

أعرب عمرو وهبة عن استيائه من معاملة البعض للحيوانات بطريقة غير آدميه وتعريضهم للعنف والضرب. كتب عمرو عبر منشور على حسابه الرسمي على موقع التواصل الاجتماعي فيس بوك قال فيه: «هى بديهيات بس نقولها، إحنا اتربينا على مثل وكلمة بنرددها كلنا فى الجد والهزار بتقول "كلب وراح" على أساس أن الكلب ده أو الحيوان عامة تمام يروح عادى مش مهم.. أى حد ربى حيوان هيفهم ده اكتر بس عامة الكلاب والقطط والحمير والأحصنة كائنات حية». وتابع قائلاً: «والكائنات الحية بتحس، وبتحس دى يعنى بتفرح وبتخاف وبتتوجع وبتتخض وبتزعل وبتزهق وبتتعصب وبتتوتر، وده مش كلام عاطفي، ده كلام علمى، الجهاز العصبي بتاعهم بيشتغل زينا في حاجات كتير، وعندهم مشاعر وإن كانت بشكل مختلف شوية عننا كا بشر، وهما مش كائنات دايماً اقوى مننا فى التحمل هما زينا بيتعبو عادى وبيتوترو ساعات من الزحمه والدوشه وبيتعصبو ساعات من هزار الاطفال وغلاستهم العادية وبيزعلو من سوء التعامل والإهانة».